Knien

'k spele in't cabaret, 'k weet nie of da je 't wit.
Moa 't e doar olsan wel tjeen of 't ander te doen.
Wie dat er doar ol zit, of oe dat juste skjeet,
Te 'n e nie moeilijk, moa 't kost ollemoalle poen
Ge ziet van olles wat, zel(f)s mjeer dan jeen bloat gat
Pas ip, wan kindjes meugen da zeker nie zien
Den baas es olsan zat, mjeestol jeene petat
En j' i ne rok an tot juste boven zin knien

 

'k i 't gezien, ip u knien
ip u knien, wan 'k i 't gezien
'k i 't gezien, ip u knien
ip u knien,(haha), da'k u keune bestrie'n

 

Er zit nen ananas in zinne conterbas
verlede weke was't ne kam van ne kalkoen
En 't e nu weer ambras met diene conterbas
'k vroage mie of oe damme dadde nu goan doen
Da moe direkt der ut, trek gie an dienen tut
Pas ip wan oez'n boas mag da zeker nie zien
't e ne roar'n perlut, ne vrjeen onnoazel'n tut
Als straffe moeje ton goan zitt'n ip u knien

 

'k i 't gezien, zet u moar ip u knien
ip u knien, 'k i 't gezien
'k i 't gezien, zet u moar ip u knien
hèhèhè, ip u knien, da'k u keune bestrie'n

 

'k i 't gezien, zet u moar ip u knien
ip u knien, wan 'k i 't gezien
ip u knien, 'k i 't gezien

 

d' Er zit ier nen deux-pièces in minne groate caisse
verleden weke was't een sexy onderbroek
en 't e nu were mis met diene groate caisse
't es ier nog slichter of in 't medisch onderzoek
Leg da moar langst de kant, 'k komme der groene van
a'k peize da min prente da zoe moet'n zien
'k krege der zeker van, ip minnen achterkan
En me min beukske moe'k goan liggen ip (h)eur knien

 

'k i 't gezien, ip u knien
ip u knien, wan 'k i 't gezien
'k i 't gezien, zet u moar ip u knien
ip u knien, da'k u keune bestrie'n

 

'k i 't gezien, hahahahaha, zet u moar ip u knien
ip u knien, da 'k u keune bestrie'n