Bangkok

 

In Brazil, doa loap'n z'ip de plage
Poedelnoakt, juste nen elastiek
Ip de konte een ferme tatoeage
Een hjeel kljeen doekske bedekt uldre muziek

 

Moa pas moar ip, van ol 't gjeen dan ze zeggen
ik i gewis, en't loapt doar niemand bloat
'k oa veel beter m'n geld hier doen belegg'n,
dan doa te liggen an da strand lik seukerbroad

 

Refrein:
Want 't e doa niet, 't e doa niet, 't e doa mjeer of twjee kjeers niet
't e doa nul, flauwe kul, 't es ol zjever en gelul
En de madams, zin madams dan nog vinten in gewis,
't e woar, want 'k i oak nog gemis

 

In Brazil, 't zit vul med (h)olve zotten
Een spelend kind, ze skieten dat doa doad
Hjeel den boel e doa ferm an't verkrotten
En zel(f)s de flikken zoe'n nog moarden voar een broad

 

In Bangkok, doa zin'ter kljene stratjes
en 't zit doa vul, me meiskes van plezier
nen (h)omar(d) voa de pris van petatjes
En wisky-cola, ze zup'n da doa lik bier

 

Moa pas moar ip, van ol 't gjeen dan ze zeggen
ik i gewis, en't e doa niet te zien
'k oa veel beter m'n geld hier doen belegg'n,
Moa 'k i 't verbeust me doar in Touk-Touk rond te rie'n

 

Refrein

 

In Bangkok, 't zit vul met gele muggen
't e veel verkjeer, en't stinkt noa vorte vis
Ik goa veel liever noa Gent of noa Brugge
Ge kun nie peiz'n oe da'k Belgie i gemis

 

Ge kun nie peiz'n oe da'k Vloander'n i gemis

 

Ge kun nie peiz'n oe da'k West-Vloandren i gemis